നാഗര്കോവില്: കേരള രാഷ്ട്രീയത്തെ പിടിച്ചു കുലുക്കിയ സോളാര് നായിക സരിതാ എസ് നായര് വീണ്ടും ഒരു രാഷ്ട്രീയ അങ്കത്തിനൊരുങ്ങുന്നു. ഇത്തവണ ജനസേവനത്തിനായാണ് താരം രാഷ്ട്രീയ പ്രവേശനത്തിനൊരുങ്ങുന്നത്.
എന്നാല് കേരളത്തിലെ പാര്ട്ടികളിലൂടെയൊന്നുമല്ല സരിത വരുന്നത്. കേരള രാഷ്ട്രീയത്തെക്കുറിച്ച് നല്ല ധാരണയുള്ളതിനാലാകാം തമിഴ്നാട്ടിലേയ്ക്കാണ് നോട്ടം. ആര്കെ നഗര് എംഎല്എയും തമിഴില് സുപരിചിത മുഖവുമായ ടിടിവി ദിനകരന്റെ ‘അമ്മ മക്കള് മുന്നേറ്റ കഴക’ത്തില് പ്രവര്ത്തിക്കാനുള്ള താല്പ്പര്യം സരിത അറിയിച്ചു കഴിഞ്ഞു. പാര്ട്ടി നേതാക്കളിലൊരാളായ പച്ചമാലിനെ നേരിട്ട് കണ്ട് സരിത ആഗ്രഹം അറിയിച്ചു കഴിഞ്ഞു.
നാഗര്കോവില് തമ്മത്തുകോണത്ത് വച്ചായിരുന്നു പച്ചമാലുമായി സരിത കൂടിക്കാഴ്ച നടത്തിയത്. അദ്ദേഹത്തെ ഷാള് അണിയിച്ച സരിത പാര്ട്ടിയില് ചേരാനുള്ള ആഗ്രഹത്തിന് പിന്നിലെ കാരണവും വ്യക്തമാക്കിയതായാണ് സൂചന.
അതേസമയം, വിവരം പാര്ട്ടി നേതൃത്വം അറിയിക്കുമെന്നും അന്തിമ തീരുമാനം അവിടെ നിന്നുണ്ടാകുമെന്നും അണ്ണാ ഡി.എം.കെ എം.എല്.എ കൂടിയായ പച്ചമാല് അറിയിച്ചു. കന്യാകുമാരി എംഎല്എയും മുന് മന്ത്രിയുമായ ഇദ്ദേഹം നിലവില് ദിനകരന് പക്ഷത്താണ്.