കോഴിക്കോട്: മലയാള സിനിമാ നടിമാര്‍ക്കെതിരെ രൂക്ഷ വിമര്‍ശനവുമായി എഴുത്തുകാരനും തിരക്കഥാകൃത്തുമായ സിവി ബാലകൃഷ്ണന്‍ രംഗത്ത്. സിനിമാ നായികമാരുടെ സദാചാരബോധത്തെ കുറിച്ചാണ് വിവാദ പരാമര്‍ശവുമായി സിവി ബാലകൃഷ്ണന്‍ എത്തിയത്. എത്ര അളിഞ്ഞസ്വഭാവമാണെങ്കിലും സിനിമയില്‍ എത്തുമ്പോള്‍ അവര്‍ക്കു നഗ്‌നതയേക്കുറിച്ച് അളിഞ്ഞ സദാചാര ബോധമാണെന്നായിരുന്നു അദ്ദേഹത്തിന്റെ പരമര്‍ശം. എസ് ദുര്‍ഗയുമായി ബന്ധപ്പെട്ട ഒരു ചാനല്‍ പരിപാടിക്കിായിലാണ് സിവി ബാലകൃഷ്ണന്റെ വിവാദ പരാമര്‍ശം.
എസ് ദുര്‍ഗ്ഗയില്‍ ഒരുപാട് ന്യൂഡിറ്റി ഉണ്ട്. അതില്‍ രണ്ട് പരിമിതികളുണ്ട്. നമ്മുടെ അഭിനേത്രികള് എത്രത്തോളം ഇതുമായി സഹകരിക്കാം എന്നുള്ളത്. നമ്മുടെ ഇവിടുത്തെ നായികമാര്, ഈ ഒരു ബോധം അവര്‍ക്കില്ലെന്നും അദ്ദേഹം പറയുന്നു. നടികളുടെ ഒരു തരത്തിലുള്ളൊരു സദാചാര ബോധമുണ്ട്.
അവരുടെ ജീവിതം എത്ര അളിഞ്ഞതാണെങ്കിലും സിനിമയ്ക്ക് പുറത്ത് അവരുണ്ടാക്കാന്‍ ശ്രമിക്കുന്നൊരു ഇമേജുണ്ട്. അവര് സ്വര്‍ണ്ണക്കടത്ത് നടത്തും, നക്ഷത്രവേശ്യാലയം നടത്താം ഇതൊക്കെ നടത്തിക്കഴിഞ്ഞാലും സിനിമയിലൂടെ വേറൊരു തരത്തിലുള്ള ഇമേജ് അവര് ഉണ്ടാക്കാന്‍ ശ്രമിക്കും എന്നായിരുന്നു അദ്ദേഹത്തിന്റെ പരാമര്‍ശം.
എരിവും ഉപ്പും ഒക്കയായി നല്ല കിടിലന്‍ മിക്‌സ്ച്ചര്‍ നിങ്ങള്‍ക്കു വീട്ടില്‍ ഉണ്ടാക്കാം വെറും മുപ്പത് മിനിറ്റു കൊണ്ട്: ഒന്നു കണ്ടു നോക്കു
ദുര്‍ഗ എന്നുള്ളത് ഒരു പേരുമാത്രമാണ് അങ്ങനെയാണെങ്കില്‍ ഇന്ത്യയിലെ പേരുകളൊന്നും നമ്മുക്ക് ഉപയോഗിക്കാന്‍ കഴിയില്ല, മിക്കവാറും പേരുകളും ദൈവത്തിന്റെ പേരുകളാണ് കാലത്തിനനുസരിച്ചു ചിന്ത നമ്മളിലേയ്ക്കു വരണം എന്നും ബാലകൃഷ്ണന്‍ പറയുന്നു.
